දයාබර සහෘදයනි, "සොබා සේනාංකය" තවත් එක් සමාජ මාධ්‍ය සමූහයක් නොව, ඔබත්, මමත් තවත් එක් දරුවෙකු පමණක් වූ ස්වභාවධර්මයේ මෑණියන් උදෙසා කැප වූ උත්තරීතර රාජකාරියයි. එමෙන්ම, ජාතිය, කුලය, ආගම, පාට පක්ෂ යන කුලකයන්ගෙන් ඔබ්බට විහිදෙන මනුශ්‍යත්වයේ උපරිම වගකීමයි,වගවීමයි. …………… සැබවින්ම, මෙම සමූහය සේනාංකයකි. ස්වභාවධර්මය උදෙසාම කැප වූ සේනාංකයකි. අදහස් හුවමාරු කිරීමකට පමණක් නොව, ක්‍රියාවෙන් ද බලගැන්වූ, පොදු සමාජ විනය මාලාවක් හුවා දැක්වීමෙන් පමණක් නොව, පුද්ගලික විනය තුලින් යහපැවැත්ම උදෙසා මාර්ගෝපදේශ සපයනු ලබන වේදිකාවකි. ………… දයාබර සහෘදයනි, සිතන්න...මා, ඔබ ලැබුවාවූ මේ මනුෂ්‍යත්වයට කෙතරම් සාධාරණයක් අපි ඉටු කර ඇත්ද ? හෙට මේ මාතෘභූමියේ උපදින අපේ දුවා දරැවනට ස්වභාවික තුලනයෙන් හෙබි ලස්සන, සුරක්ෂිත රටක්, ලොවක් අපි ඉතුරු කර ඇත්ද ? අප දැනටමත් ප්‍රමාද යි. …………… ස්වභාවධර්මය උදෙසා මනුෂ්‍යත්වයේ වගකීම, වගවීම නොපිරිහෙලා වහා ඉටුකළ යුතුව ඇත. තනි තනිව වෙනස් වෙමු. අවසානයේ සුන්දර ලොවක් ගොඩනැගේවි. මන්ද, ස්වයං වෙනසකින් තොර, පොදු වෙනසක් අපේක්ෂා කළ නොහැක. මෙම සමූහය අනෙකුත් ජාලයන්ගෙන් වෙනස් වන්නේ, සියලු සාමාජිකයන්ම පාලන ක්‍රියාකරැවන් වන නිසාවෙනි. …………… ස්වභාවධර්මයේ ආරක්ෂාව උදෙසා ඔබගේ වටිනා කාලය මදක් කැප කර, ඔබගේ වටිනා අදහස්, යෝජනා හා දායකත්වය ලබා දෙන්න මුළු රටම සුවපත් වේවි...! සුවපත් වූ රටක් තුළ ස්වභාවධර්මයෙන් සුරක්ෂිත වූ, අනාගතයක් බිහි වේවි… …………. සොබා සේනාංකයට සොබා ආරක්ෂකයින් (Guardians) බදවා ගනු ලැබේ. හැකිනම් එක් කරන්න තවත් ආරක්ෂකයින්. මන්ද, සියළු ලාංකිකයින් ස්වභාවධර්මයේ ආරක්ෂාව උදෙසා අවශ්‍යව ඇත. ………… මෙම සමාජ මාධ්‍ය ජාලය තුළ එපා කිසිවිටෙක.. වාදයක්, මන්ද ස්වභාවධර්මවාදය සියළු වාදයන්ට ඔබ්බෙනි. ආගමක්, මන්ද සියළු ශාස්තෘන්ගේ පරම සත්‍යය වු දේශණාව ස්වභාවධර්මය මයි. එකම ජාතියක්, සේ එක් වෙමු. ……. අප සියලු දෙනාගේම අම්මා වන ස්වභාවධර්මය මේ මොහොතේ අපට කියා දෙමින් සිටින අපූරු පාඩම අවබෝධ කර ගනිමු. …………… ප්‍රමාද වීමට තවත් කාලයක් ඉතිරිව නැත. ප්‍රමාදය පසුතැවීමට හේතු වන බව නිසැකය. මා එකතු වී සිටිමි, ඔබ...?